Paned a Chacen – Y llyfr

10 Ebr

Nawr mae’n rhaid i fi ddechrau drwy ymddiheuro fy mod i wedi bod ychydig yn dawel ar y blog yma yn ddiweddar. Ond mae yna reswm (mae’r cliw yn y teitl!) Ie dwi’n sgwennu llyfr ryseitiau Paned a Chacen. Dwi mor ecseitied!

Dwi methu coelio’r peth a dweud y gwir, ond roedd y criw hyfryd yn y Lolfa yn licio’r blog cymaint fel eu bod nhw eisiau ei drosglwyddo i ffurf llyfr. Wrth gwrs fydd y llyfr ddim yn cymryd lle’r blog, ond dwi’n gobeithio y bydd o’n estyniad ohono, fydd yn cynnig nifer o ryseitiau newydd, yn ogystal â rhai o’r ffefrynnau o’r blog yn barod.

Fel y blog mae’n mynd i fod yn llawn o’r ryseitiau dwi’n hoffi eu bwyta a’u coginio fy hun, sef cacennau, bisgedi a phwdinau. Mae yna gymysgedd o ryseitiau ynddo, rhai’n syml iawn, ac eraill yn cynnig ychydig bach mwy o her. Felly dwi’n gobeithio y bydd o’n cynnig rhywbeth i bawb.

Felly fel y gallwch ddychmygu dwi wedi bod yn pobi yn ddi-baid yn ddiweddar, dwi hyd yn oed wedi cymryd wythnos i ffwrdd o’r gwaith i ganolbwyntio ar y llyfr yr wythnos hon, felly mae’r tŷ yn llawn cacennau! Mae’n od peidio gallu rhannu’r ryseitiau efo chi ar y blog, ond dwi wedi bod yn trydar lot o luniau!

Y gobaith yw y bydd y llyfr ar gael erbyn y Nadolig, felly dwi’n siŵr y byddwch chi gyd yn gofyn i Sion Corn am gopi! Ond oes gan unrhyw un syniadau am be fyddech chi’n licio ei weld yn y llyfr, gadewch i fi wybod rwan.

Dwi mor hapus fy mod i’n gallu rhannu’r newyddion efo pawb o’r diwedd, a dwi wir yn gobeithio y byddwch chi’n ei licio.

 

 

 

About these ads

14 Ymateb to “Paned a Chacen – Y llyfr”

  1. Aled Wyn 10/04/2012 at 12:27 #

    Newyddion da!!

  2. Rhys Wynne 10/04/2012 at 13:30 #

    Edrych ymlaen i brynu copi. Pa spin-offs wedyn – cyfres deledu, neu gwell fyth ‘Ysgol Goginio Elliw’, a chacaennau ‘branded’ fatha prydau parod Bryn Williams yn Morrisons?

  3. Mari Eluned 10/04/2012 at 14:23 #

    Da iawn wir, edrych mlaen i weld y llyfr a trio ambell rysait! Pob lwc! x

  4. lowrihafcooke 10/04/2012 at 14:52 #

    Llongyfarchiadau! Newyddion gwych, pob hwyl i ti ar y sgwennu. Edrych mlaen i brynu’r gyfrol, neu i’w derbyn yn fy hosan! x

    • Paned a Chacen 10/04/2012 at 17:23 #

      Diolch. Dipyn o waith o fy mlaen ond yn joio’r her. Edrych mlaen i weld dy lyfr di hefyd pan ddaw allan.

  5. pstead 10/04/2012 at 20:03 #

    Llongyfarchiadau Elliw ! Gwych!

  6. Alun Williams (@aluneurig) 11/04/2012 at 07:40 #

    Duw Da iawn wir. Nai prynu’r llyfr yn sicr.

  7. Elen T 20/10/2012 at 20:57 #

    Wel-dyna sortio presanta nadolig i’r hogia! Methu aros i weld y llyfr ac wedi mwynhau darllen dy flog -y resetia A’R storis ynghlwm. Llongyfarchiadau Elliw! Plis gai ddod i’r lansiad yn Nolgellau-dwi’n gaddo prynnu 3 copi o leia!!

    • Paned a Chacen 20/10/2012 at 21:10 #

      Diolch Elen.
      Mae dy enw ar y rhestr yn barod a bydd gwahoddiad yn y post yn fuan.

Trackbacks/Pingbacks

  1. O’r we i’r teledu a llyfrau | Blog Carl Morris | Carl Morris - 18/04/2012

    [...] Paned a Chacen – Y Llyfr gan Elliw Gwawr, trwy’r Lolfa [...]

Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s

Dilyn

Derbyn pob cofnod newydd yn syth i'ch Blwch Derbyn

%d bloggers like this: